Опозічны хрістіаньскы демократы вызвали владу, жебы пришла із конкретныма кроками на реґулацію соціалных сітей. Означіли їх за „прімарный тумор“ душевного здоровля. На понедільковій пресконференції о тім інформовав председа KDH Мілан Маєрьскый, посланці Народной рады Ян Горецькый і Петер Стахура, а европосланкыня Міріам Лексманн. Маєрьскый вказав на штатістікы, подля котрых 46 процент дітей у віці 13 аж 17 років є на соціалных сітях безперерывно, четвертина дітей має знакы завіслости од соціалных сітей і тиск із соціалных сітей є ідентіфікованый як єдна із найвекшых причін проблем душевного здоровля у дітей і неповнолітніх. KDH вызывать владу і односны резорты, жебы „не зістали лем при конштатованю того, што уж давно знаме, але жебы пришли із рішінями“.

(Медвідь, TASR)