Словацька републіка отворила у четверь в Польщі новый гонорарный конзуларный уряд з резіденціёв в Торунї, котрого конзуларный обвод вміщать Куявско-помораньске і Вармско-мазурьске войводство на северї державы. В реґіонї дїяють словацькы вояци у выцвиковім центрї NATO. Зряджіня конзулату мать подля амбасады приспіти ку розвитку кооперації Словеньска з реґіонами северной Польщі, головно в области господарьства, реґіоналных контактів а підпоры обчанів. Уряд поведе гонорарный конзул Якуб Піщек. На отворіню конзулату брали участь заступцёве польской влады, реґіоналной і містной самосправы, діпломатічного збору, як і подникательского, академічного і културного середовища. Словацьку републіку заступовала вельвысланкыня СР в Польщі Андреа Елшекова Матісова.

(TASR, Шутіова)