Словацька влада має з председничков Европской комісії (EK) Урсулов фон дер Леєнoв єднакый погляд на транзіт ропы через роповод Дружба. Покля є роповод пошкодженый, мусить быти оправа зроблена і додавкы ропы мусять быти обновлены. По вчерайшій стрічі зо шефков EK вчасі саміту ядровой енерґетікы в Паріжі то увів на соціальній сіті премьер Роберт Фіцо. Председничці EK премьер указав сателітны знимкы, котры подля нього доказують, же роповод не є пошкодженый. Председа словацькой влады зо шефков EK бісідовав і о близькім саміті в Бруселі. Чекає, же будуть приняты пропозиції, як понижыти ціны електрикы. (TASR, Пкф)