Посланці Народной рады СР за коалічну партію Smer-SD передложыли до парламенту пропозіцію закона о условіях выконованя волебного права. Тота мінить окрем іншого вольбу зо заграніча. Запровадити ся ньов має новый способ голосованя – по новому ся має волити на амбасадах і конзулатах, не поштов. Єдночасно має розшырити ся можность голосовати зо заграніча і на презідентьскы вольбы. Новелізація так само мінить суму волебной кавції про вольбы до НР СР і до Европского парламенту. Сума ся має по новому раховати од вышкы середньой місячной мзды. При парламентных вольбах має быти кавція у вышці 25-кратной середньой місячной мзды намісто 17 000 евр, при евровольбах у вышці 2,5-кратной середньой місячной мзды намісто 1700 евр. Покля новелізацію в парламенті схвалять, буде платна од 1-го септембра 2026-го року.

(Медвідь, TASR)