Золтан Андруско, одсудженый в кавзі вбивства новинаря Яна Куцяка, твердить, же го пару днів перед затриманям навщівив чоловік з призвіском Краціна, і то в заступліню нітрянского подникателя Норберта Б. Мав го інформувати, же у звязку з вбивством гледають в Мадярьску білого коня. Андруско о тім днесь выповідав як свідок перед Шпеціалізуваным трестным судом. Перед сенатом Шпеціалізуваного  трестного суду продовжує главне поїднаваня в кавзі вбивства новинаря Яна Куцяка і його нареченой Мартіны Кушніровой. На лавкі свідків сидить правоплатні одсудженый посередник вбивства Золтан Андруско, в пообідняйшім часі бы мав выповідати і кріміналіста з області інформачных технолоґій Душан Мікулай. (TASR, Pkf)