Вчера підвечур ся в Братіславі і далшых словацькых містах одбыли протесты проти рушіню Уряду шпеціалной прокуратуры і далшым пропонуваным владным змінам. В главнім місті заповнили тісячкы людей ціле Намістя СНП. На Главній улиці в Кошыцях ся зыйшло высше двітісячкы особ, на протестах в Банскій Быстріці скоро тісячка. Протест ся одбыв і в Жіліні, Трнаві, Пряшові, Попораді ці в Ліптовскім Мікулаші. У вівторок вечурь ся в Бруселі позберали і Словаци на сімболічнім протесті в близькости центра інштитуцій Евроспкой унії, абы підпорили жытелів Словакії неспокійных з кроками новой словацькой влады в області юстіції і правного штату. (TASR, Pkf)