Депутат Народной рады СР і ексміністер здравотництва Марек Крайчі з опозічного руху Slovensko повторяно крітікує условія тендра на скору поміч. Твердить, же суть нетранспарентны. До конкурзу подля нього могли приголосити ся і фірмы, котры лем теперь выникли, і не мають технічне забезпечіня і персонал. Інформовав о тім на понедільковій пресконференції з тым, же рух Slovensko має ку діспозіції список тых, котры суть приголошены в конкурзі. За словами ексміністра цілый тендер є зробленый так, же будьхто міг собі отворити нову фірму і з тов іти до конкурзу, причім не мусив мати ани робітників, ани приготовлены саніткы. Коалічна SNS уж пожадала презідента Петра Пеллеґріні, жебы жадав зрушыти тендер. Конкурз крітікують і остатні опозічны партії ці Лікарьске профсоюзне здружіня.

(Медвідь, TASR)