Нововыменувана міністерка школства Мартіна Лубіова ся в першім ряді вынаснажыть забезпечіти, абы ся в тім року, прецік, одбыло тестованя пятаків з математікы і словацького языка. Увела то по засідані влады міністерка школства. Цілонародне тестованя з математікы і материнского языка, котре помагало при оцінювані кваліты основных школ, ся тот рік немать одбыти. Резорт при дотеперішнім веджіню міністра Петра Плавчана на тестованя незабезпечів в бютжеті потрібны фінанції а то у вышкі 160 тісяч евр.
(Петро Кімак-фейко)