Членове озброєных зборів бы могли мати од януаря 2025 підвышеный приспівок на бываня прємернї о 200 евр. Авізована є і пропозіція на заведжіня єдноразового стабілізачного і наборового приспівку у вышцї 5 000 евр. На четверёвій тисковій конференції о тім інформовали міністер справодливости Боріс Суско (Smer-SD) i міністер внутрїшнїх дїл Матуш Шутай Ешток (Hlas-SD). Підпредседа влады а міністер обраны Роберт Калиняк (Smer-SD) приближыв, же зміны бы ся мали дотулити і вояків. ,,Тоты превентівны крокы будуть вміщены до пририхтованой новелізації закона о штатній службі членів Поліцайного збору, Словацькой інформачной службы, Збору арештовой і юстічной стражі СР і Желїзнічной поліції і в одношіню ку Озброєным силам СР в законї о штатній службі професіоналных вояків,“ приближыв Суско. Міністер справодливости одгадує, же новелізація леґіслатівы бы могла платити на осінь того рока.

(TASR, Шутіова)