Презідентка СР Зузана Чапутова оцінює, же парламент выбрав двох квалітных кандідатів на позіцію уставного судцу, котры успокоюють одборны і особностны передпоклады, што в минулости подля ньой небывало як правило.  Пресову аґентуру TASR о тім інформував єй говорця Мартін Стріжінец. Як далі Стріжінец конкретізував, ,,презідентка обідві номінації докладно зважыть і о дальшых кроках буде інформувати в часі будучого тыждня“. Посланці Народной рады СР выбрали в четверь двох кандідатів на судцу Уставного суду СР.  Стали ся нима Мілослав Бабйак і Роберт Шорл. На Уставнім суді ся уволнило місце судцу по тім, як ся Моймір Мамойка вздав функції. (TASR, Pkf)