Председове опозічных партій Progresívne Slovensko, SaS, KDH і мімопарламентной партії Demokrati, у віторок стрітили ся на їднаню о будучій співпраці. Добісідовали ся на конзултаціях о проґрамовых пріорітах з цільом глядати проникнутя. Подля шефа PS Михала Шімечкы треба перейти крізу, в котрій знайшла ся співпраца партій по голосованю о Конштітуції СР. Председа SaS Браніслав Ґрылінґ вірить, же віторкова стріча буде першым кроком про будуче Проґрамове выголошіня влады, котре принесе рештарт Словакії. Штири опозічны субєкты авізують конзултації о проґрамовых пріорітах в областях як суть публічны фінанції і господарьска політіка, загранічна політіка, децентралізація, справедливость, оборона, здравотництво, жывотне оточіня, освіта ці земледільство.

(Медвідь, TASR)