Одборници з К14 отворили тему реґулації соціалных сітї і діґіталных технолоґій на Словакії. Цїлём є боёвати проти шіканї і кібершіканї в школах. На четверёвім тисковім бріфінґу о тім інформовали комісарь про дїти Йосиф Міклошко а председа Здружіня міст і сел Словакії Йосиф Божік по третїй стрїчі К14, на котрій брали участь заступцёве різных міністерстев і орґанізацій. Комісарь спомянув пропозіції цїлкового заказу соціалных сітей про дїтї до даякого віку. На стрїчі ся подля нёго діскутовало, ці мож технолоґічного приготовити заказ соціалных сітей наприклад до 16 або 18 років. Там одборници подля комісаря про дїти відять найвекшый подїл з погляду кібершіканы. Одборници на стрїчі, котра ся одбыла з ініціатівы Уряду комісаря про дїти і ЗМОС рїшыли і підпору родины а родічовства.

(TASR, Шутіова)