x

Пелеґріні уважує о зміні сістему фінанцуваня здравотницьтва

00

Сістем фінанцованя здравотницьтва бы ся міг змінити, о змінах ся дискутує, увів то премьєр Петер Пелеґріні. „Ведеме дискусію, ці незміниме сістем. Може бы сьме скоріше хотіли становлювати як штат суму, о котру хочеме, абы ся збівшыла сума фінанцій про резорт здравотництва. А штат без того, абы фурт неґоціовав перценто поіщенця за штат, дану суму доплатив,“ повів председа влады. Фунґовати бы то могло за його словами так, же собі штат попозерать, яку суму в рамках здравотного поіщіня заплатить економічні активне обывательство, выділить гроші на капіталовы выдавкы і розділ, котрый взникне, заплатить. „Кедь собі раз штат повість, же хоче, абы будучій рік было о штирі перцента вецей в здравотництві як минулый рік, так дану суму доплатить. Небуде уж перерахувати, ці то є наприклад 3,25 процентів за поіщенця. Хочеме од того моделу поступово оддыйти і нормально доплатити суму, як собі то штат желать,“ повів.
(TASR)

Прочітайте собі / Pročitajte sobi