Мімопарламентный Hlas-SD підпорює ініціованя выняткового засіданя Народной рады СР, на котрій бы посланці завязали влады приправити закон к реґулації медведя рудого. Влада бы го мала предложыти в скороченім леґіслатівнім діяню. Ініціятіву авізує незарадженый посланець Філіп Куффа. “Приятя новелы закона о охрані медвідя так, абы ся компетенції вернули до рук польовників і одборників в даній області, поважую за раціоналне рішеня крітічной сітуації,“ увів в становиску Hlasu-SD його председа Петер Пеллеґріні. Додав, же зо закона мусить выпасти установліня, котре боронить реґуляції споминаного звірятя. (TASR, Pkf)