Посланцї Народной рады СР у четверь схвалили управу роковачого порядку парламенту. Новела закона приносить многы зміны. Заводить наприклад максімалну довжку часу на розправу о бодї проґраму. Шпеціфікує тыж нежадуче справаня посланцїв а сприснюють ся санкції. Рушыть ся і повинность чітати позмінюючу пропозіцію в пленї. До роковачого порядку ся доповнять і установлїня о облїканю законодарцїв. По новім тыж буде заказане выготовлёвати плаґаты і транспаренты в салї, не лем їх внашати. Вымеджує ся зарівно і тзв. діскретна зона коло речницького пулту а коло міст становленых про шефа, підпредседїв НР СР і членів влады. Рушыть ся тыж повинность чітати позмінюючу пропозіцію в пленї НР СР. Новела мать быти платна од 15. мая того рока.

(TASR, Шутіова)