Тыждень писемных матурітных екзаменів у віторок одкрывать екстерный тест і писемна робота із словацького языка і літературы. Абсолвує їх 38 567 штудентів. Тото саме мусить абсолвовати 1634 матурантів середніх школ із навчалным языком мадярьскым із предмету мадярьскый язык і література, інформовало Міністерство школства, баданя, розвитку і молодежи СР. Часть штудентів приголосило ся абсолвовати днешній екзамен і електронічнов формов. Подля резорту є на таку форму матуріты приголошеных понад 95 процент школ і 6427 штудентів. Писемны матуріты тот тыждень чекають веце як 42 000 матурантів із 614 середніх школ. До 13-го марца будуть провіряти їх знаня із словацького языка і літературы, чуджого языка, математікы, в припаді штудентів школ з мадярьскым і україньскым навчалным языком і з тых языків.

(Медвідь, TASR)