За словами презіденткы Словацькой републікы Зузаны Чапутовой суть авторітатівны режімы огрожіньом і в сучасности. Мають амбіцію вертати ся, і то в новых, реінкарнованых подобах. Выголосила то в приговорі на святкованю 78-ой річніці Словацького народного повстаня в Баньскій Быстріці. Председа влады Едуард Геґер при тій нагоді звернув увагу, же дакотры політіци знеужывають тяжке положіня гражданів і будують в них екстремізм. Председа Народной рады Словацькой републікы Борис Коллар в приговорі апеловав, же Словакія мусить зістати вірна антіфашістічным і повстанецькым традіціям. На цілодержавны святкованя не были тот рік запрошены з причіны войны на Україні представителі Російской федерації і Білоруси.

(Медвідь, ТASR)