Презідентка СР Зузана Чапутова одыйшла в неділю вечур на заграничну робочу дорогу до Даньского кральовства. Днесь ся там стрітла з корунным прінцом Фредеріком і председничков даньской влады Метте Фредеріксеновов.  Чапутову на робочій дорозі спроваджать міністер транспорту Андрей Долежал. Частьов делеґації є і ґрупа словацькых ехпертів. В рамках свойой навщівы презідентка выступила нелем на Коданьскім самміті о демокрації, але навщівила і ряд штатных і меджінародных інштітуцій, котры мають свою резіденцію якраз в Данії. (TASR, Pkf)