Рік 2025 быв періодом контрастів а неґатівных емоцій. Про TASR то згоднотив презідент Петер Пеллеґріні. Твердить, же Словеньско мать за собоу тяжкый рік, котрый прынїс множество турбулентных хвіль на домашнїй сценї і в меджінародных одношінях. Контраст є подля нёго в тім, же на єднім боцї є на Словеньску множство шыковных словеньскых людей, котры ся можуть порівновати своїма способностями і талентом зо світовов шпічков. ,,Людей, котры своёв роботов нероздїлюють сполочность, але намагають ся ю зо своёй позіції спаяти,“ підкреслив презідент. На другім боцї поуказав на розгаданых політіків, з котрых многы на денній базі ґенеровали ненавість а уражкы або выкреслёвали Словеньско як чорну дїру, в котрій ся не дать слушнї жыті. Презідента окрем шырїня ненавісти знепокоює і общій неґатівізмус, скепса і фрустрація меджі людьми. ,, Зато бы єм вшыткым жычів, жебы сьме сі в новім роцї збыточнї не нищіли нашы жывоты не лем взаємнов ненавістёв, але ани збыточнов концентраціёв выключно на крітіку дїл коло нас а стратов способности відїти хоцьшто на Словеньску позітівно,“ увів.

(TASR, Шутіова)