Од януара 2024-го року будуть “топ темов“ в інтересі влады ціны потравин. Увів то вчера в діскусній релації телевізії TA3 В політиці председа влады СР Роберт Фіцо. Іщі в тім року бы подля нього парламент мав одобрити штатный розрахунок, котрым бы ся Народна рада  мала заоберати в тім тыждні, од завтра 19-го децембра. Підчеркнув, же розрахунок бы мав быти  одобреный до кінця рока. Як ся го неподарить одобрити до пятниці 22-го децембра, буде мусіти Народна  рада СР їднати о нім і по Рождестві. (TASR, Pkf)