Председа влады Роберт Фіцо (Smer-SD) днесь абсолвує єдноднёву офіціалну навщіву Сербії. В Белеградї ся стрїтить з презідентом Сербской републікы Александром Вучічом і зо сербскым премєром Мілошом Вучевічом. Темами сполочных роковань будуть взаємны білатералны і економічны словацько-сербскы одношіня а можности їх далшого розвитку. Партнеры мають говорити і о вопросах дотуляючіх ся приступовых розговорів Сербії і держав западного Балкану о вступі до Европской унії. Далшов темов будуть превентівны крокы на обмеджіня нелеґалной міґрації. В рамках проєкту отворить словацькый премєр економічне форум, на котрім буде брати участь і дакілько десяток словацькых поднікателїв. На форі тыж підпише Словацька аґентура про розвиток інвестіцій і обходу меморандум о порозумлїню з обходнов коморов Сербії.

(TASR, Шутіова)