Председа влады СР Роберт Фіцо (Smer-SD) ся у четверь стрїтив на Урядї влады СР з підпредседом влады а міністром загранічного обходу а інвестіцій Кубаньской републікы Оскаром Перезом-Олівом Фраґом. Премєр авізує, же ся рихтує на навщіву Кубы, інфoрмовали о тім з тискового одбору уряду влады. ,,Председа влады СР Роберт Фіцо выражує пересвідчіня, же непредвидательна внутрополітічна сітуація на Словеньску, меджінародна сітуація а безпрецедентне напятя му незнеможнять припадну навщіву Кубы в року 2026. Пріорітов Словеньска є выразнїше запоїня словацькых подникателїв до прилежітостей, котры на Кубі вытваряють многы рефромны опатріня. А зато бы частёв такой навщівы на Кубі мала быти  почетна подникательска місія зо Словеньска,“ увели з уряду влады. Председа словеньской влады а підпредседа кубаньской влады сі вымінили ,, цїлый ряд конкретных інформацій” o сучасній меджінародній сітуації, як і о впливі остатнїх подїй у Венезуелї на реґіоны в Карібіку. В білатералных одношінях ся напрямили на практічны вопросы, од злїпшованя взаємной змлувной закладнї, спрощіня путованя ці пособлїня словацькых фірем на Кубі.

(TASR, Шутіова)