Міністерство внутрїшнїх дїл розпослало самосправам запоєным в центрах здєляных служеб дотазник на здобытя спетной везбы. Анкета є напрямена на годнотїня бенефітів запоїня ся до центер. Самосправы можуть дотазник выповнити до конця місяця. TASR o тім інформовав говорця резорту Матєй Нойман. ,,Здєляны службы не суть лем адміністратівнов іноваціёв, суть одповідёв на реалны потребы сел а їх жытелїв. Цїлём проєкту центер здєляных служеб є забезпечіти лїпшу доступность а высшу якость верейных служеб і мімо великых міст, де самосправы часто наражають на недостаток одборных капаціт,” увів штатный таёмник міністерства Михал Калиняк. Резултаты анкеты хоче резорт перероковати за участи штатутарных самосправ, котры мають на старости центра на ярь.  ,,Будуть то дата, котры овливнять далшый розвиток і підпору здєляня в самосправах,” повів Нойман.

(TASR, Шутіова)