Міністерство школства, наукы, выскуму і шпорту СР выголосило друге коло вызвы на предложіня жадостей о даня стредства  механізму на підпору обновы і одолности на проєкт Учітелі про 21-ше стороче. Выділеных є на то цілково  7.242.720 евр. Фінанції будуть даны з Плану обновы і одолности СР і суть призначены на выбудованя і заплачіня превадзкового келчіка Реґіоналных центер підпоры учітелів. Пресаґентуру TASR о тім інформував одбор комунікації і протоколу резорту школства. Цільом вызвы є вытворити реґіоналны партнерства на підпору імплементації принціпів і цілів нового курікула основного навчаня через  выбудованя реґіоналных центер підпоры учітелів. Першых 16 центер зачало своє фунґованя 1-го септембра. Жадость є мож подати до 16-го януаря 2023-го року. (TASR, Pkf)