x

Словакія сповнила критерія Европской ліковой аґентуры

00

Словакія сповнила в пропозиції на зміну резіденції Европской ліковой аґентуры вшыткы пожадованы критерія в оцінювані Европской комісії. Медіям то днес потвердило Міністерство здравотництва Словацькой републикы. О Европску лікову аґентуру ся уходило 19 членскых держав. Европска комісія опубліковала на своїм вебсайті їх оцінку. Пропозиції єднотливых держав были розаналізованы в шестьох головных критеріях а шістьох технічных пожадавках. Европска лікова аґентура покы мать резіденцію в Лондині і мусить ся з нього перестягувати з причины брексіту. В єй старостливості є одобрюваня новых ліків, выконаваня догляду над їх беспечностьов, грать важну задачу при підпорі іновації і дослідженю у фармацеутічнім промыслі. Давать роботу стовкам высококваліфікованым одборникім з цілой Европы.
(Петро Кімак-Фейко)

Прочітайте собі / Pročitajte sobi