Метеоролоґове попереджують на несприятливу погоду у звязку з выдатным сніжіньом. Днесь 9-го децембра прото опубліковав Словеньскый гідрометеоролоґічный інштітут (SHMÚ) выстрагу першого і другого ступіня. Чісло окресів, котрых ся выстрага дотулять, ся з годины на годины звышує. SHMÚ о тім інформує на своїй інтернетовій сторинці. Зла погода є главні на западній Словакії і на западі Банскобыстріцького края. (TASR, Pkf)