Подник Татраваґонка поставить в Індії нову фабрику на выробу підвозків а колес ваґонів про Індію а далшы державы, де Індове свої продукты вывожають. Про медія то у четверь в індічнім Наі Даілі увів презідент СР Петер Пеллеґріні. ,,Доходить ку далшому інвестованю словацькых фірем в Індії, затоже Індія преферує не лем обычайне накупованя выробків, але вытваряня сполочных подників а продукцію на своїй теріторії. Также знам, же по успішній інвестіції нашой Татраваґонкы, котра ту выраблять вознї прямо в родиску панї індіцкой презіденткы, выросне нова фабрика зась під тактовков нашой словацькой Татраваґонкы,“ приближыв Пеллеґріні. Додав, же СР посилнює одношіня з Індіёв так на політічній як і технічній уровни. Словацька діпломація наприклад капацітно посилнила конзуларны одборы в Індії, жебы доказали додавати віза індічным штудентам і робітникам, котры хотять прийти на Словеньско.

(TASR, Шутіова)