Вчерайшым славностным концертом Штатной оперы в ареалі Памятника СНП в Банскій Быстріці ся зачали централны двойдньовы ославы 74. выроча Словацького народного повстаня. Днесь зо зачатком о 11.00 годині ся зачав главный проґрам ослав а то славностным перелітом літецькой технікы Озброєных сил СР, слідуючім упоминаючім актом кладжіня вінців і славностный мітінґ одкрыла словацька гімна в подані прямого участника СНП Владіміра Стырменя і Воєньской музыкы Банска Быстриця. Културный проґрам в котрім выступили окрім іншоґо Дяболскы гуслі, Яна Орліцка ці ансамбыль Бабкіны Внуці, быв доповненый і о статічны ці динамічны приклады Озброєных сил СР, добовый воєньскый табор клубів воєньской гісторії. Новинков тогорочных ослав є дотыковый термінал находжаючій ся в землянці, котрый людям приближує гісторію партзизанскых бункрів і давать можность вытворити собі свою воєнску леґітімацію. Даны ославы орґанізує Банскобыстрицьке Мюзеум СНП в Банскій Быстриці і їх цільом є дати четь народній історії а зеробити вшытко прото, абы молода ґенерація незабыла на одказаня памятного 29.авґуста 1944 року.
(ТАSR)