Ближыть ся дефінітівне розмотаня крізы в партіях Hlas-SD i SNS, што буде вести ку далшому повніню проґрамового выголошіня або ку передчасным вольбам. Премєр і лідер коалічной партії Smer-SD Роберт Фіцо то повів днесь у відеу на соціалній сіті. Його партія є за словами міністерьского председы пририхтована на вшыткы варіанты. Фіцо у відеу повів, же рішіня крізы, котру за його словами запричінили Hlas-SD i SNS тым, же не утримали свої посланецькы клубы, му заберать много енерґії. Коаліція мала на початку 79 депутатів. Влони одшыли з клубу SNS трьоми депутаты коло Рудолфа Гуліака, клуб партії Hlas-SD пришов о трьох депутатів, причім єден із них – Роман Малатінець одышов до партії Národná koalícia, котру веде Гуліак. Посланці коло Гуліака уж скоріше декларовали приготовленость помагати повнити коаліції проґрамове выголошіня, но єдночасно вказали на то, же іщі проходять їднаня, і вшытко залежыть од їх резултатів.

(Медвідь, TASR)