Як бы ся вольбы до Народной рады (НР) СР одбыли в часі мая, выграла бы партія Smer-SD  із прибытком  21,3 процента голосів. Наслідує Progresívne Slovensko із 14,2 процента і Hlas-SD із  14 процентами голосів. Выходить то з волебного моделу аґентуры NMS Market Research, о котрім інформував денник Sme.  Рух Republika бы скінчило четверте із прибытком 8,7 процента голосів. Наслідує OĽANO із 7,3 процента і SaS із 6,2 процента голосів. Із прибытком  5,9 процента бы скінчила Sme rodina і до парламенту бы ся достало і KDH із прибытком 5,5 процента голосів.  До парламенту бы ся недостала SNS (3,1 процента), Demokrati (2,7 процента) i Aliancia (2,6 процента). За ними наслідує ĽSNS (1,7 процента), Národná koalícia (1,5 процента) і з прибытком єдного процента партія Za ľudí. Згодно по 0,9 процента голосів бы достало Jablko і Modrí – Európske Slovensko. За ними наслідує Maďarské fórum (0,7 процента), Komunistická strana Slovenska (0,5 процента), Socialisti.sk (0,4 процента) a Život – Národná strana (0,2 процента). Аґентура збирала дата комбінаціов он-лайн зберу і телефонічного дослідженя на взорці 1233 респондентів в терміні од 3-го до 17-го мая. (TASR, Pkf)