Штуденты середніх школ ся од днешнього дня мають учіти з дому. Діштанчну форму аж до одкликаня ознамив в неділю міністер школства Браніслав Ґроглінґ в часі їднаня Централного крізового штабу. Штаб вырішыв, же аплікує строгішы опатріня на бой з пандемійов нового коронавірусу. Носіня рушок є повинне про першый і другый ступінь основных школ і про матерьскы школы. Діти до трьох років, автістічны діти, діти з гендікепом слуху і менталным гендікепом мають выїмку. По скінчіню учіня на основных школах ся немають орґанізувати ниякы актівіты. Зрушыти ся мають тыж лижарьскы ці плавецькы курзы, вілеты і іншы актівіты мімо школ. Школскы дружіны бы мали подля міністра фунґовати, але за барз строгых опатрінь. (TASR, Pkf)