Ініціатіва Za slušné Slovensko выразила підпрору в осінніх комуналных вольбах кандідатови на пріматора Братіславы Матушови Валлови, кандідатови на пріматора Нітры Марекови Гаттасови і кандідатови на пріматора Жіліны Петрови Фабіяному. Пояснює то тым, же тоты кандідаты приголосили ся к їх візії під назвов Slušné mestá a obce Slovenska, суть транспаретны і кличуть за тым, жебы гражданы і по вольбах могли партіціповати на справованю діл публічных. Ініціатіва подля председы хрістіаньскых демократів Андрея Глины вырішыла овпливньовати тогорічны вольбы. Глина тым реаґовав на підпору кандідата на пріматора Братіславы Матуша Валла. Люди подля Глины не стояли на намістях, жебы ся наконець дізнали, же орґанізаторы згромаджінь підтримують „архітекта“ фінанчной ґрупы Penta. Крітічно ся ку понедільковым выражіням ініціатівы выразили і опозічны лідры Ріхард Сулик і Іґор Матовіч.
(TASR, Медвідь)