Місто Высокы Татры боюють з візуалным смоґом і довгочасово працюють на поступній ліквідації білбордів, главні при драгах. Пріматор Высокых Татер Йозеф Штефаняк попередив, же рекламы нелем понижыють внимавость шоферів, але тыж нарушыють естетіку окружіня на теріторії Татранского народного парку. Як дале Штефаняк інформував, же місто уж выналожыло снажіня і келчік на ліквідацію десяток реклам. Од завтра, 2-го фебруара, буде дале продувжувати у своїм снажіню і то на трасі меджі Старым Смоковцом і Татрансков Ломніцов. Веце як 30 нелеґалных білбордів ся місту подарило окрім іншого зліквідовати і завдякы добрій сполупраці зо Справов Татранского народного парку і Справов удыржбы драг Пряшівского самосправного края. (TASR, Pkf)