x

В евровольбах 2019 значно посилнила Аліянція лібералів і демократів за Европу

00

Першы частковы офіціалны выслідкы волеб до Европского парламенту потвердили ослабіня обідвох главных  політичных ґруп і посилніня лібералів і зеленых. Успіх зазначіли і евроскептічны і популістичны партії. Середньоправіцова Европска людова партія (EPP) обсадить за частковыма офіціалныма выслідками в новім парламенті 178 з 751 кресел. То є о 38 кресел менше  як мала дотеперь, інформувала аґентура DPA. Друге місце з 152 мандатами заняла Проґресівна аліянція соціалістів і демократів (S&D). Против актуалному ставу то представує пониженя о 33 кресел. Своє поставліня собі наопак значно посилнила Аліянція лібералів і демократів за Европу (ALDE), котра собі поліпшыла із 68 на 108 кресел. До того чісла ся рахують і посланці новой платформы Оброда, за котров є  французькый презідент Емануел Макрон. На четвертім місці скінчила фракція Зелены – Европска слободна аліянція (EFA), котра буде мати в новім парламенті 67 кресел і дотеперь мала 52.   Попередня волебна участь досягла за одгадами зо вшыткых членьскых країн 50,50 процентів. (TASR, Пкф)