В часі десятьох днів од зачатя реґістрації ся до ініціятівы Словеньска Тепларень (Slovenská Tepláreň) приголосило 346 выступаючіх, 161 просторів, 32 фестивалів і 42 підпоруючіх субєктів. Як про пресаґентуру TASR повів ПР манажер Антон Репка, же вєдно іде о скоро 600 залученых орґанізацій і умелецькых конфіґурацій наперек цілой країны. На жадость многых акцію продовжыли до неділі 27-го новембра. Як далей додав Репка, же перед офіціалным зачатьом, котре є наплановане на 12-го новембра, одбудуть ся і пару warm-up акцій. Ініціятіва буде продовжувати шпеціалныма акціями і по новембрі.  (TASR, Pkf)