x

Будуть ся будовати новы ціклотрасы

00

В містах і селах Словакії будуть выбудованы дальшы новы ціклотрасы. Міністерство землегосподарства і розвоя відєка оцінило по порядку уж другу серію жадостей о ненавратны фінанчны средства з фондів Европской унії. В другім колі было підпорено 14 проєктів заміряных на розвой ціклістічной інфраштруктуры в цілковій сумі 5,87 міліонів евр, котры походять із джерел Европской унії. Інформував о тім Міхал Феік з Міністерства землегосподарства і розвоя відєка. “Хочеме здоровшы і чістішы міста, з той причины підпорюєме алтернатівны рішеня транспорту. Скусености з іншых европскых міст говорять єднозначні в благо ціклістічного транспорту. Біціклі незнечістюють воздух, нероблять глук і невытваряють запхы. С біцікльом са дасть легко запарковати і погыбом проспіваме і нашому здоровю,“ увела шефка Міністерства землегосподарства і відєка Ґабрєла Матечна.
(Петро Кімак-Фейко)