У владні коаліції є договор на тім, же хоче переломити вето презіденткы Зузаны Чапутовой у вшыткых трьох пропозизіях законів, котры вернула до Народной рады СР. На вчерайшій пресконференції то повів председа Smeru-SD Роберт Фіцо. Іде о новелу закона о условіях викону волебного права, котрого частьов є пропозиція на продовжіня мораторія на досліджуваня з днешніх 14 на 50 днів перед вольбами, што ся їм наконець і подарило, новелу закона о резервных аліментах і верейнім обстараваню. Пересунутя десяток пропозицій законів з актуалного засіданя парламенту на дальше засіданя є за словами посланця і председу коалічного Smeru-SD Роберта Фіца в згоді з Уставов СР і порядком засіданям парламенту, „ехістує засада, же кедь суть на кінці волебного періоду даны законы, о котрых неє можне діскусію докінчити, так о даных законах ся неможе далей дискутовати.“ (TASR, Pkf)