Депутаты Народной рады Словацькой републікы почали днешнє їднаня 39-го засіданя владнов пропозіційов на скороченый леґіслатівный процес в повязаню з кроками на консолідацію публічных фінанцій. Прямо пропозіційов закона мають занимати ся аж пізніше. Міністер фінанцій Ладислав Каменіцькый почас минувшого тыждня оголосив 22 кроків, котры бы мали принести на шпоріню і векшім выбераню даней і одводів вєдно 2,7 міліарды евр. Влада паклик, затля без шпоріня окремых резортів, схвалила минувшу середу, і запропоновала то проїднати в скороченім леґіслатівнім процесі на актуалнім засіданю. Опозічны депутаты іщі в пятніцю почас своїх выступів повторяно крітіковали намагу коаліції їднати о консолідачнім паклику в скороченім процесі. О злім стані фінанцій ся подля них знає давно, зато крокы на їх оздоровліня мали быти презентованы скоріше, жебы ся о них могло їднати в штандарднім режімі.

(Медвідь, TASR)