У віторок почав Европскый тыждень мобіліты. Буде тырвати аж до 22-го септембра. Завершіньом буде день без авт. Цільом події є підняти свідомость о утримательній містьскій мобіліті, інформовала Словацька аґентура жывотного оточіня. Европскый тыждень мобіліты підтримує зміну справованя на благо актівной мобіліты, публічного транспорту і іншых чістых, інтеліґентных рішінь транспорту. Подля аґентуры бы містны орґаны мали схосновати тот тыждень на спробованя іноватівных кроків планованя, пропаґацію новой інфраштруктуры і технолоґій, міряня якости воздуху і здобываня реакцій од людей. То принагода выпробовати, як бы вызерали уліці і якым цілям бы могли служыти, кебы не были повны авт, інформовала Словацька аґентура жывотного оточіня.

(Медвідь, TASR)