x

Депутатка Сімона Петрік хоче соціалне поїщіня про докторандів

00

На Словакії не має право на соціалне і пензійне поїщіня, значіть ани на матерьску доволенку, майже 8000 штудентів денного докторандьского штудія. Повіла то почас пресконференції в понедільок незараджена депутатка парламенту Сімона Петрік. Змінити то хоче вєдно із незарадженым депутатом Мірославом Беблавым пропозіційов закона, котрый запроваджать соціалне поїщіня про докторандів в деннім штудію. „Докторанды і головно докторандкы будуть мати право на пензійне поїщіня і мародку але і право на матерьску, што того часу не мають. Тот крок, вєдно із далшыма кроками суть частьов концепції родинной політікы, котру єм формов проґрамового документу написала про парітію Spolu – občianska demokracia. Цільом той пропозіції закона є зліпшыти соціалны условії штудентів у денній формі докторандьского штудія і то так, же тоты штуденты будуть поїщены пензійно і на мародованя,“ повіла депутатка. Докторандьске штудіюм бы ся єдночасно подля Сімоны Петрік раховало до пензії. Родинна політіка, о котрій партія зробила проґрамовый документ, бы подля депутата Беблавого мала быти пріорітов і окремов капітолов у проґрамовім выголошіню влады.
(Медвідь, TASR)