Ґенералный прокуратор Марош Жілінка вказав на шкодливость приятых змін Карного закона. Подля Жілінкы є потребне, жебы презідент СР Петер Пеллеґріні продумовав вернутя закона посланцям Народной рады СР. Інформовав о тім на соціалній сіті з тым, же повно решпектує конштітучне поставліня і права презідента. Новелу Карного закона прияв парламент в скороченім леґіслатівнім процесі. В законі прибыли новы карны чіны, мінить ся і Карный порядок. Новелізація овпливнює і інштітут покаяного, котрый співпрацує з орґанами чінныма в карнім процесі. Опозічны партії схваліня новелізації Карного закона крітікують. Ку обсягу і способу прията новелізації крітічно озвала ся і Рада прокураторів СР, котра высловила „прінціпіалну незгоду і глубоке знепокоїня“. Звернула увагу на флаґрантне порушованя прінціпів леґіслатівного процесу, на пряме огрожіня конштітучных ґаранцій справедливого процесу і на неадекватны засягы до слободы прояву.

(Медвідь, TASR)