Крайскый суд в Братіславі уж зачав діяти в кавзі, де скринькова компанія Лемікон Лімітед знову жалує народну лотеріову компанію Тіпос о 33 міліонів евр по тім, што му быв  з Найвышшого суду СР принесене выняткове оправне средство. Конфлікт ся на словацькых судох обявив коло року 2000. Найвысшый суд СР в 2008-ім року вырішыв в ужыток Лемікону і тодійшній міністер фінанцій Ян Почіаток вырішыв  дану кавзу привести до порядку договором о выплачіню 2 міліярд корун (66,39 міліонів евр). Штат заплатив першу сплатку 483 міліонів корун (16 міліонів евр). Тіпос ся наслідні пару років намагав кавзу звернути і припустив, же собі буде знова нарокувати выплаченых 16 міліонів евр. Минулый рік в авґусті наконець успів на Найвышшім суді СР, котрый жалобу против Тіпосу замітнув. (TASR, Pkf)