Міністер фінанцій Іґор Матовіч передложыть в середу на засіданя влады в єднім матеріалі пропозіцію на десятьпроцентне піднятя платів у школстві вєдно із пропозіційов на зданіня газарду, шпірітусу, російской ропы і піднятя реґулованого одводу. Інформовав о тім по понедільковім їднаню з веджіньом Профсоюзу робітників школства і наукы на Словакії. Авізованый протест подля председы профсоюзу Павла Ондека затля не одкликують. За його словами затля не є нич доїднане. Покля бы пропозіція Матовіча на піднятя платів перешла з тым, же буде обсяговати десятьпроцентне піднятя платів про робітників школства од 1-го юла, профсоюз буде жадати трипартітный договор. Проти такой пропозіції, жебы платы піднимали ся вєдно з підниманьом дані, уж озвала ся коалічна SaS.

(Медвідь, TASR)