Україньскый презідент Володимір Зеленьскый у віторок вызвав мадярьского премєра Віктора Орбана, жебы перестав блоковати приступовы процесы Україны до Европской унії. На події орґанізованій телевізійов Euronews то означів за „шпеціфічный тіп підпоры“ про російского презідента Владиміра Путіна. Мадярьско додало Україні гуманітарну і енерґетічну поміч, реаґовав председа мадярьской влады на сіті Facebook. Орбан выраховав крокы Мадярьска, котры ся зробили на благо Україны. Так само підкреслив, же Мадярьско Києву нич не довгує. Орбан припомянув, же од початку войны одбыло ся понад 14 міліонів перекрочінь україньско-мадярьской граніці, в Мадярьску фунґують три україньскы школы, Мадярьско старать ся о зраненых вояків і діти, і понад 10 тісяч україньскых дітей было в Мадярьску на таборах.

(Медвідь, TASR)