Опозічна партія OĽANO пропонує на кандідачнім списку до парламентных волеб місце про представителів мадярьской, ромской і русиньской меншыны. В понедільок то в просторах парламетну оголосив лідер руху Іґор Матовіч. Баданя подля нього вказують, же бы голосы меншын жыучіх на Словакії могли пропасти. На пресконференції было підкреслено, же меншыны мають на Словакії приблизно 17 процентне заступліня, но в парлементі не мусять мати никого. „Покля сьме щіры словацькы патріоты, пак нам мусить залежати на тім, жебы на Словакії мав ся добрі нелем словацькый народ, але і вшыткы народностны меншыны, котры з нами тоту громаду творять. З той причіны робиме простор на нашім кандідачнім списку про тоты три народностны меншыны,“ повів Матовіч. Єдночасно лідер OĽANO запросив їднати за стіл представителів SMK. Співпрацу бы не вылучів ани в припаді выникнутя партії Жолта Шімона.

(Медвідь, TASR)