Петер Пеллеґріні зіставать председом влады Словацькой републікы. Опозіції ся не подарило здобыти достаток голосів на його одкликаня з функції. Пропозіція на одкликаня пришла зато, бо не запропоновав одкликати Моніку Янковску, номінантку партії Smer-SD, з посады державной секретарькы Міністерства справедливости по тім, як появили ся інформації о їй можливій комунікації з Маріяном Кочнером, обвиненым з обїднаня убийства новинаря Яна Куціака. За одкликаня премєра голосовало в пленумі днесь 62 депутатів, 66 было проти, трьоми ся стримали. Голосваньом о довірі премєрови закінчіли депутаты міморядне 50-те засіданя Народной рады Словацькой републікы, котре было одкрыте в пятніцю. Діскусію ку одкликованю премєра закінчіли депутаты іщі в пятніцю перед півночов. Тырвала майже 11 годин. Одкликати Петра Пеллеґріні ся не подарило, і кедь по вікенді має коаліція уж лем 74 депутатів.

(Медвідь, TASR)