З нагоды днешнёго Меджінароного дня Ромів і 50. юбілея першого світового конґресу Ромів ся одбудуть дві онлайн діскузії, котры ся тыкають інклузії ромской меншыны на Словакії. Інформує о них уповномочена влады СР про ромскы комуніты Андреа Бучкова, котра на обидвох діскузіях буде брати участь. О подобах партіціпації Ромів на дїлах верейных в минулости і сучасности ся буде діскутовати в дебатї орґанізованій Інштітутом ромолоґічных штудій Універзіты Конштантіна Філозофа в Нїтрі. Темов другой онлайн діскузії періодіка .тыждень і Клубу під лампов буде історія Ромів, орґанізація превентівных кроків протягом пандемії захворіня COVID-19 в ромскых осадах, концепції рїшїня худобы марґіналізованых ромскых комуніт, але тыж і Алтас ромскых комуніт 2019, котрый взникнув в часї кедь быв уповномоченым Абел Равасз.

(TASR, Шутіова)