Ґратулацію Міланові Маєрскому к суботняйшому зволіню за нового председу KDH послав посередницьтвом соціалной сіті і председа влады СР і лідер OĽANO Іґор Матовіч. В ґратулації Матовіч написав, же вірить, же Мілан Маєрскы буде про KDH добров вольбов в нелегкых часах. За нового председу KDH зволили Маєрского в суботу на сеймі крестяньскых демократів в Ружомберку. Маєрскый быв єдиным кандідатом на председницьке місце. В тайнім голосуваню достав 287 з 318 платных голосів, котры одовздало 326 притомных делеґатів. (TASR, Pkf)