Ани у віторок ся Народній раді Словацькой републікы не подарило одкрыти засіданя ку темі скорішого терміну передчасных волеб і темі доданя літаків МіҐ-29 Україні. Парламент не быв ани при зачатку засіданя узнесіняспособный, зато підпредседа Народной рады Петер Пчолиньскый закінчів 87-ме засіданя і непроїднаны пункты переніс на далше рядне засіданя, котре зачне 14-го марца. Засіданя інціовала партія Smer-SD, під пропозіцію підписали ся і депутаты коло Томаша Тарабы. Депутаты жадали, жебы вольбы одбыли ся 24-го юна, а не кінцьом септембра. Арґументовали, же влада з обмедженыма компетенціями не є оправдана, а тым ани способна повнити основны задачі і забезпечовати рядный ход конштітучных орґанів. Навеце подля депутатів своїма кроками назначує, же не хоче решпектовати обмеджіня становлены Конштітуційов Словацькой републікы.

(Медвідь, TASR)