Міністер внутрїшнїх дїл СР Матуш Шутай Ешток (Hlas-SD)  у четверь одкликав презідента Поліцайного збору Штефана Гамрана. Рїшіня означів за нутный крок ку тому, жебы поліція зачала повнити своє важне посланя в згодї зо законом. ,,Доводом одкликаня суть важны выграды проти внашаню політічных і особных постоїв до выкону функції поліцайного презідента,“ увів говорця Міністерства внутрїшнїх дїл СР Матєй Неуман. ,,Міністер выразив выграды і проти довгодобо недостаточній актівітї поліції в дїяню проти нелеґалній міґрації,“ доповнив говорця. Новым дочасно повіреным презідентом Поліцайного збору буде Растїслав Полаковіч.

(TASR, Шутіова)